放假煮飯仔

今日放假呀! 原本今日係呀妹既農曆生日, 約好外出晚飯慶祝, 但呀妹大感冒所以行程取消! 於是下午就外出取眼鏡同買菜煮飯仔啦! 等妹妹同大家介紹今晚食咩先:

呢幾日都係老公負責煮飯, 呢碟釀尖椒好辣呀! 我淨係食魚肉, 留返d椒椒老公食!

因丫烏就要關閉, 我又對電腦唔多叻, 惟有向契女大哥哥求救啦! 前日放假整兩底雪芳同買半隻燒鵝加叉燒上契女屋企, 大哥哥幫我備份同開新戶. 呢兩日對住部腦又要從頭學起, 有個衝動想停寫, 但又唔捨得班朋友仔, 惟有慢慢摸啦!

呢碟粉絲蝦米節瓜又係老公既傑作! 我食一啖就覺得唔對路, 原來係冇加枝竹, 老公唔記得買呀!冇加枝竹真係冇咁香呢! 唔駛食飯淨係食粉絲都超飽呀!

 食完飯最完美梗係加碗糖水做飯後甜品啦! 有妹妹陪食, 呢碗日本南瓜加蕃薯真係甜上加甜呢!